Devotional reading

Sri Brahma Stuti (Maheshwara Tantre)

Sri Brahma Stuti (Maheshwara Tantre)

About

This original guide introduces Sri Brahma Stuti (Maheshwara Tantre) and the astrological language named in its title. It is an educational overview, not a personal reading or prediction.

Hymn text

नमो नमस्ते जगदेककर्त्रे

नमो नमस्ते जगदेकपात्रे ।

नमो नमस्ते जगदेकहर्त्रे

रजस्तमःसत्त्वगुणाय भूम्ने ॥ १ ॥

अण्डं चतुर्विंशतितत्त्वजातं

तस्मिन् भवानेष विरञ्चिनामा ।

जगच्छरण्यो जगदुद्वमन् स्वयं

पितामहस्त्वं परिगीयसे बुधैः ॥ २ ॥

त्वं सर्वसाक्षी जगदन्तरात्मा

हिरण्यगर्भो जगदेककर्ता ।

हर्ता तथा पालयितासि देव

त्वत्तो न चान्यत् परमस्ति किञ्चित् ॥ ३ ॥

त्वमादिदेवः पुरुषः पुराणः

साक्षात् स्वयं ज्योतिरजः परेशः ।

त्वन्मायया मोहितचेतसो ये

पश्यन्ति नानात्त्वमहो त्वयीशे ॥ ४ ॥

त्वमाद्यः पुरुषः पूर्णस्त्वमनन्तो निराश्रयः ।

सृजसि त्वं च भूतानि भूतैरेवात्ममायया ॥ ५ ॥

त्वया सृष्टमिदं विश्वं सचराचरमोजसा ।

कथं न पालयस्येतत् ज्वलदाकस्मिकाग्निना ॥ ६ ॥

विनाशमेष्यति जगत् त्वया सृष्टमिदं प्रभो ।

न जानीमो वयं तत्र कारणं तद्विचिन्त्यताम् ॥ ७ ॥

कोऽयं वह्निरपूर्वोऽयमुत्थितः परितो ज्वलन् ।

तेनोद्विग्नमिदं विश्वं ससुरासुरमानवम् ॥ ८ ॥

तस्य त्वं शमनोपायं विचारय महामते ।

न चेदद्य भविष्यन्ति लोका भस्मावशेषिताः ॥ ९ ॥

इति श्रीमाहेश्वरतन्त्रान्तर्गता श्री ब्रह्मा स्तुतिः ।

"देवनागरि" ,