Devotional reading

Sri Bagalamukhi Varna Kavacham

Sri Bagalamukhi Varna Kavacham

About

This original guide introduces Sri Bagalamukhi Varna Kavacham and the astrological language named in its title. It is an educational overview, not a personal reading or prediction.

Hymn text

अस्य श्रीबगलामुखी वर्णकवचस्य श्रीपरमेश्वरऋषिः अनुष्टुप् छन्दः श्रीबगलामुखी देवता ओं बीजं ह्लीं शक्तिः स्वाहा कीलकं श्रीबगला प्रसादसिद्ध्यर्थे जपे विनियोगः ॥

ध्यानम् –

जिह्वाग्रमादाय करेण देवीं

वामेन शत्रून् परिपीडयन्तीम् ।

गदाभिघातेन च दक्षिणेन

पीताम्बराढ्यां द्विभुजां नमामि ॥

कवचम् –

प्रणवो मे शिरः पातु ललाटे ह्लीं सदाऽवतु ।

बकारो भ्रूयुगं पातु गकारः पातु लोचने ॥ १ ॥

लकारः पातु मे जिह्वां मुकारं पातु मे श्रुतिम् ।

खीकारं पातु मे तालु सकारं चिबुकं तथा ॥ २ ॥

र्वकारः पातु मे कण्ठं स्कन्धौ पातु दकारकः ।

बाहू ष्टकारकः पातु करौ पातु नकारकः ॥ ३ ॥

स्तनौ वकारकः पातु चकारो हृदयं मम ।

मकारः पातु मे नाभौ खकारो जठरं मम ॥ ४ ॥

कुक्षिं पकारकः पातु दकारः पातु मे कटिम् ।

स्तकारो जघनं पातु भकारः पातु मे गुदम् ॥ ५ ॥

गुह्यं यकारकः पातु जकारोऽवतु जानुनी ।

ऊरू ह्वकारकः पातु गुल्फौ पातु ककारकः ॥ ६ ॥

पादौ लकारकः पातु यकारोऽवतु सर्वदा ।

बुकारः पातु रोमाणि धिकारस्तु त्वचं तथा ॥ ७ ॥

विकारः पातु सर्वाङ्गे नकारः पातु सर्वदा ।

प्राच्यां शकारकः पातु दक्षिणाश्यां यकारकः ॥ ८ ॥

वारुणीं ह्लीं सदा पातु कौबेर्यां प्रणवेन तु ।

भूमौ स्वकारकः पातु हकारोर्ध्वं सदाऽवतु ॥ ९ ॥

ब्रह्मास्त्रदेवता पातु सर्वाङ्गे सर्वसन्धिषु ।

इति ते कथितं देवि दिव्यमक्षरपञ्जरम् ॥ १० ॥

आयुरारोग्यसिद्ध्यर्थं महदैश्वर्यदायकम् ।

लिखित्वा ताडपत्रे तु कण्ठे बाहौ च धारयेत् ॥ ११ ॥

देवासुरपिशाचेभ्यो भयं तस्य न हि क्वचित् ।

कर्मणेन सन्दर्शो त्रिषुलोकेषु सिद्ध्यते ॥ १२ ॥

महाभये राजकुले शतवारं पठेद्यहम् ।

गृहे रणे विवादे च सर्वापत्ति विमुच्यते ॥ १३ ॥

एतत् कवचमज्ञात्वा यो ब्रह्मास्त्रमुपासते ।

न तस्य सिद्ध्यते मन्त्रः कल्पकोटिशतैरपि ॥ १४ ॥

इति श्रीईश्वरपार्वतिसंवादे श्री बगलामुखी वर्ण कवचम् ॥