Devotional reading
Nava Narasimha Mangala Shlokah
About
This original guide introduces Nava Narasimha Mangala Shlokah and the astrological language named in its title. It is an educational overview, not a personal reading or prediction.
Hymn text
श्रीपराङ्कुशयोगीन्द्र शठारिप्रमुखान् गुरून् ।
मङ्गलाशासनपरान् महिताननिशं भजे ॥
जगज्जन्मादिलीलाय जगदानन्दहेतवे ।
जगच्चक्षुर्निवासाय श्रीनृसिंहाय मङ्गलम् ॥
नवनारसिंह मूर्तयः –
ज्वालाऽहोबल मालोल क्रोड कारञ्ज भार्गवाः ।
योगानन्द च्छत्रवट पावना नवमूर्तयः ॥
१। ज्वाला नरसिंह –
हिरण्यस्तम्भसम्भूति प्रख्यात परमात्मने ।
प्रह्लादार्तिमुषे ज्वालानरसिंहाय मङ्गलम् ॥ १ ॥
२। अहोबल नरसिंह –
श्रीशठारियतीन्द्रादि योगिहृत्पद्मभानवे ।
सर्वत्र परिपूर्णायाऽहोबिलेशाय मङ्गलम् ॥ २ ॥
३। मालोल नरसिंह –
वारिजावारितभयैर्वाणीपतिमुखैः सुरैः ।
महिताय महोदार मालोलायाऽस्तु मङ्गलम् ॥ ३ ॥
४। क्रोड नरसिंह –
वराहकुण्डे मेदिन्यै वाराहार्थप्रदायिने ।
दन्तलग्न हिरण्याक्ष दंष्ट्रसिंहाय मङ्गलम् ॥ ४ ॥
५। कारञ्ज नरसिंह –
गोभूहिरण्यनिर्विण्णगोभिलज्ञानदायिने ।
प्रभञ्जन शुनासीर कारञ्जायाऽस्तु मङ्गलम् ॥ ५ ॥
६। भार्गव नरसिंह –
भार्गवाख्य तपस्वीश भावनाभावितात्मने ।
अक्षय्यतीर्थतीरस्थ भार्गवायाऽस्तु मङ्गलम् ॥ ६ ॥
७। योगानन्द नरसिंह –
चतुराननचेतोऽब्जचित्रभानुस्वरूपिणे ।
वेदाद्रिगह्वरस्थाय योगानन्दाय मङ्गलम् ॥ ७ ॥
८। छत्रवट नरसिंह –
हाहाहूह्वाख्यगन्धर्वनृत्तगीतहृतात्मने ।
भवहन्तृ तटच्छत्र वटसिंहाय मङ्गलम् ॥ ८ ॥
९। पावन नरसिंह –
भारद्वाज महायोगि महापातकहारिणे ।
तापनीयरहस्यार्थ पावनायाऽस्तु मङ्गलम् ॥ ९ ॥
मङ्गलाशासनमिदं मानिवास मुनीरितम् ।
महनीयं पठन् शृण्वन् मङ्गलायतनं भवेत् ॥
इति श्री नवनारसिंह मङ्गलश्लोकाः ।