Stotra

Narayana stotram by Shankaracharya

Narayana stotram by Shankaracharya

About

Narayana stotram by Shankaracharya is introduced as a stotra, a devotional hymn of praise. This original guide offers a place to explore its subject and approach the tradition with care.

Hymn text

नारायण नारायण जय गोविन्द हरे ॥

नारायण नारायण जय गोपाल हरे ॥

करुणापारावार वरुणालय गम्भीर नारायण ॥ १

नवनीरदसङ्काश कृतकलिकल्मषनाशन नारायण ॥ २

यमुनातीरविहार धृतकौस्तुभमणिहार नारायण ॥ ३

पीताम्बरपरिधान सुरकल्याणनिधान नारायण ॥ ४

मञ्जुलगुञ्जाभूष मायामानुषवेष नारायण ॥ ५

राधाऽधरमधुरसिक रजनीकरकुलतिलक नारायण ॥ ६

मुरलीगानविनोद वेदस्तुतभूपाद नारायण ॥ ७

[* बर्हिनिबर्हापीड नटनाटकफणिक्रीड नारायण *]

वारिजभूषाभरण राजीवरुक्मिणीरमण नारायण ॥ ८

जलरुहदलनिभनेत्र जगदारम्भकसूत्र नारायण ॥ ९

पातकरजनीसंहार करुणालय मामुद्धर नारायण ॥ १०

अघबकक्षयकंसारे केशव कृष्ण मुरारे नारायण ॥ ११

हाटकनिभपीताम्बर अभयं कुरु मे मावर नारायण ॥ १२

दशरथराजकुमार दानवमदसंहार नारायण ॥ १३

गोवर्धनगिरि रमण गोपीमानसहरण नारायण ॥ १४

सरयूतीरविहार सज्जनऋषिमन्दार नारायण ॥ १५

विश्वामित्रमखत्र विविधपरासुचरित्र नारायण ॥ १६

ध्वजवज्राङ्कुशपाद धरणीसुतसहमोद नारायण ॥ १७

जनकसुताप्रतिपाल जय जय संस्मृतिलील नारायण ॥ १८

दशरथवाग्धृतिभार दण्डकवनसञ्चार नारायण ॥ १९

मुष्टिकचाणूरसंहार मुनिमानसविहार नारायण ॥ २०

वालिनिग्रहशौर्य वरसुग्रीवहितार्य नारायण ॥ २१

मां मुरलीकर धीवर पालय पालय श्रीधर नारायण ॥ २२

जलनिधिबन्धनधीर रावणकण्ठविदार नारायण ॥ २३

ताटकमर्दन राम नटगुणविविधधनाढ्य नारायण ॥ २४

गौतमपत्नीपूजन करुणाघनावलोकन नारायण ॥ २५

सम्भ्रमसीताहार साकेतपुरविहार नारायण ॥ २६

अचलोद्धृतिचञ्चत्कर भक्तानुग्रहतत्पर नारायण ॥ २७

नैगमगानविनोद रक्षितसुप्रह्लाद नारायण ॥ २८

[* भारतियतिवरशङ्कर नामामृतमखिलान्तर नारायण *]

इति श्रीमच्छङ्कराचार्य विरचित नारायणस्तोत्रम् ।