Devotional reading

Sri Murari Pancharatnam

Sri Murari Pancharatnam

About

This original guide introduces Sri Murari Pancharatnam and the astrological language named in its title. It is an educational overview, not a personal reading or prediction.

Hymn text

यत्सेवनेन पितृमातृसहोदराणां

चित्तं न मोहमहिमा मलिनं करोति ।

इत्थं समीक्ष्य तव भक्तजनान् मुरारे

मूकोऽस्मि तेऽङ्घ्रिकमलं तदतीव धन्यम् ॥ १ ॥

ये ये विलग्नमनसः सुखमाप्तुकामाः

ते ते भवन्ति जगदुद्भवमोहशून्याः ।

दृष्ट्वा विनष्टधनधान्यगृहान् मुरारे

मूकोऽस्मि तेऽङ्घ्रिकमलं तदतीव धन्यम् ॥ २ ॥

वस्त्राणि दिग्वलयमावसतिः श्मशाने

पात्रं कपालमपि मुण्डविभूषणानि ।

रुद्रे प्रसादमचलं तव वीक्ष्य शौरे

मूकोऽस्मि तेऽङ्घ्रिकमलं तदतीव धन्यम् ॥ ३ ॥

यत्कीर्तिगायनपरस्य विधातृसूनोः

कौपीनमैणमजिनं विपुलां विभूतिम् ।

स्वस्यार्थ दिग्भ्रमणमीक्ष्य तु सार्वकालं

मूकोऽस्मि तेऽङ्घ्रिकमलं तदतीव धन्यम् ॥ ४ ॥

यद्वीक्षणे धृतधियामशनं फलादि

वासोऽपि निर्जिनवने गिरिकन्दरासु ।

वासांसि वल्कलमयानि विलोक्य चैवं

मूकोऽस्मि तेऽङ्घ्रिकमलं तदतीव धन्यम् ॥ ५ ॥

स्तोत्रं पादाम्बुजस्यैतच्छ्रीशस्य विजितेन्द्रियः ।

पठित्वा तत्पदं याति श्लोकार्थज्ञस्तु यो नरः ॥ ६ ॥

इति श्री मुरारि पञ्चरत्नम् ॥

"देवनागरि" ,