Devotional reading

Mathru Panchakam

About

This original guide introduces Mathru Panchakam and the astrological language named in its title. It is an educational overview, not a personal reading or prediction.

Hymn text

आस्तां तावदियं प्रसूतिसमये दुर्वारशूलव्यथा

नैरुज्यं तनुशोषणं मलमयी शय्या च सांवत्सरी ।

एकस्यापि न गर्भभारभरणक्लेशस्य यस्य क्षमः

दातुं निष्कृतिमुन्नतोऽपि तनयस्तस्यै जनन्यै नमः ॥ १ ॥

गुरुकुलमुपसृत्य स्वप्नकाले तु दृष्ट्वा

यतिसमुचितवेषं प्रारुदो मां त्वमुच्चैः ।

गुरुकुलमथ सर्वं प्रारुदत्ते समक्षं

सपदि चरणयोस्ते मातरस्तु प्रणामः ॥ २ ॥

न दत्तं मातस्ते मरणसमये तोयमपि वा

स्वधा वा नो दत्ता मरणदिवसे श्राद्धविधिना ।

न जप्तो मातस्ते मरणसमये तारकमनुः

अकाले सम्प्राप्ते मयि कुरु दयां मातरतुलाम् ॥ ३ ॥

मुक्तामणिस्त्वं नयनं ममेति

राजेति जीवेति चिरं सुत त्वम् ।

इत्युक्तवत्यास्तव वाचि मातः

ददाम्यहं तण्डुलमेष शुष्कम् ॥ ४ ॥

अम्बेति तातेति शिवेति तस्मिन्

प्रसूतिकाले यदवोच उच्चैः ।

कृष्णेति गोविन्द हरे मुकुन्दे-

-त्यहो जनन्यै रचितोऽयमञ्जलिः ॥ ५ ॥

इति श्रीमच्छङ्कराचार्य विरचितं मातृ पञ्चकम् ॥

"देवनागरि" ,