Devotional reading

Devacharya Krita Shiva Stuti

Devacharya Krita Shiva Stuti

About

This original guide introduces Devacharya Krita Shiva Stuti and the astrological language named in its title. It is an educational overview, not a personal reading or prediction.

Hymn text

आङ्गीरस उवाच –

जय शङ्कर शान्तशशाङ्करुचे

रुचिरार्थद सर्वद सर्वशुचे ।

शुचिदत्तगृहीत महोपहृते

हृतभक्तजनोद्धततापतते ॥ १ ॥

तत सर्वहृदम्बर वरदनते

नत वृजिन महावनदाहकृते ।

कृतविविधचरित्रतनो सुतनो-

ऽतनु विशिखविशोषण धैर्यनिधे ॥ २ ॥

निधनादिविवर्जितकृतनति कृ-

त्कृति विहित मनोरथ पन्नगभृत् ।

नगभर्तृनुतार्पित वामनवपु-

स्स्ववपुःपरिपूरित सर्वजगत् ॥ ३ ॥

त्रिजगन्मयरूप विरूप सुदृ-

ग्दृगुदञ्चन कुञ्चनकृत हुतभुक् ।

भव भूतपते प्रमथैकपते

पतितेष्वपि दत्तकर प्रसृते ॥ ४ ॥

प्रसृताखिल भूतल संवरण

प्रणवध्वनिसौध सुधाम्शुधर ।

धरराज कुमारिकया परया

परितः परितुष्टनतोस्मि शिव ॥ ५ ॥

शिव देव गिरीश महेश विभो

विभवप्रद शर्व शिवेश मृड ।

कृतयन्त्रणभक्ति विघातकृताम् ॥ ६ ॥

न कृतां तत एष बिभेमि हर

प्रहराशु ममाघममोघमते ।

नमतान्तरमन्यदवैमि शिवं

शिवपादनतेः प्रणतोऽस्मिततः ॥ ७ ॥

विततेत्र जगत्यखिलाघहर

हरतोषणमेव परङ्गुणवत् ।

लयपावकमीशनतोस्मि ततः ॥ ८ ॥

इति स्तुत्वा महादेवं विररामाङ्गिरस्सुतः ।

व्यतरच्च महादेवस्स्तुत्या तुष्टो वरान्बहून् ॥ ९ ॥

श्रीमहादेव उवाच –

बृहता तपसानेन बृहतां पतिरस्यहो ।

नाम्ना बृहस्पतिरिति ग्रहेष्वर्च्यो भव द्विज ॥ १० ॥

अस्माल्लिङ्गार्चनान्नित्यं जीवभूतोसि मे यतः ।

अतोजीव इति ख्यातिं त्रिषु लोकेषु यास्यसि ॥ ११ ॥

वाचां प्रपञ्चैश्चतुरैर्निष्प्रपञ्चं यतस्स्तुतः ।

अतो वाचां प्रपञ्चस्य पतिर्वाचस्पतिर्भव ॥ १२ ॥

अस्य स्तोत्रस्य पठनादवातिष्ठति यः पुमान् ।

तस्य स्यात्संस्कृता वाणी त्रिभिर्वर्षै-स्त्रिकालतः ॥ १३ ॥

इति श्री देवाचार्य कृत शिव स्तोत्रम् ।