Devotional reading

Advaita Pancharatnam (Atma Panchakam)

About

This original guide introduces Advaita Pancharatnam (Atma Panchakam) and the astrological language named in its title. It is an educational overview, not a personal reading or prediction.

Hymn text

नाऽहं देहो नेन्द्रियाण्यन्तरङ्गो

नाऽहङ्कारः प्राणवर्गो न बुद्धिः ।

दारापत्यक्षेत्रवित्तादिदूरः

साक्षी नित्यः प्रत्यगात्मा शिवोऽहम् ॥ १ ॥

रज्ज्वज्ञानाद्भाति रज्जौ यथाऽहिः

स्वात्माज्ञानादात्मनो जीवभावः ।

आप्तोक्त्याऽहिभ्रान्तिनाशो स रज्जु-

-र्जीवो नाहं देशिकोक्त्या शिवोऽहम् ॥ २ ॥

आभातीदं विश्वमात्मन्यसत्यं

सत्यज्ञानानन्दरूपे विमोहात् ।

निद्रामोहात् स्वप्नवत् तन्न सत्यं

शुद्धः पूर्णो नित्य एकः शिवोऽहम् ॥ ३ ॥

नाहं जातो न प्रवृद्धो न नष्टो

देहस्योक्ताः प्राकृताः सर्वधर्माः ।

कर्तृत्वादिश्चिन्मयस्यास्ति नाहं-

-कारस्यैव ह्यात्मनो मे शिवोऽहम् ॥ ४ ॥

मत्तो नान्यत् किञ्चिदत्रास्ति विश्वं

सत्यं बाह्यं वस्तु मायोपक्लुप्तम् ।

आदर्शान्तर्भासमानस्य तुल्यं

मय्यद्वैते भाति तस्माच्छिवोऽहम् ॥ ५ ॥

इति श्रीमच्छङ्कराचार्य कृत अद्वैत पञ्चरत्नम् ॥

"देवनागरि" ,