Devotional reading

Ashtalakshmi Dhyana Shlokah

Ashtalakshmi Dhyana Shlokah

About

This original guide introduces Ashtalakshmi Dhyana Shlokah and the astrological language named in its title. It is an educational overview, not a personal reading or prediction.

Hymn text

श्री आदि लक्ष्मीः –

द्विभुजां च द्विनेत्रां च साऽभयां वरदान्विताम् ।

पुष्पमालाधरां देवीं अम्बुजासन संस्थिताम् ॥

पुष्पतोरणसम्युक्तां प्रभामण्डलमण्डिताम् ।

सर्वलक्षणसम्युक्तां सर्वाभरणभूषिताम् ॥

पीताम्बरधरां देवीं मकुटीचारुबन्धनाम् ।

सौन्दर्यनिलयां शक्तिं आदिलक्ष्मीमहं भजे ॥

श्री सन्तान लक्ष्मीः –

जटामकुटसम्युक्तां स्थिरासन समन्विताम् ।

अभयं कटकं चैव पूर्णकुम्भं करद्वये ॥

कञ्चुकं सन्नवीतं च मौक्तिकं चाऽपि धारिणीम् ।

दीप चामर हस्ताभिः सेवितां पार्श्वयोर्द्वयोः ॥

बालसेनानि सङ्काशां करुणापूरिताननाम् ।

महाराज्ञीं च सन्तानलक्ष्मीमिष्टार्थसिद्धये ॥

श्री गज लक्ष्मीः –

चतुर्भुजां महालक्ष्मीं गजयुग्मसुपूजिताम् ।

पद्मपत्राभनयनां वराभयकरोज्ज्वलाम् ॥

ऊर्ध्वं करद्वये चाब्जं दधतीं शुक्लवस्त्रकम् ।

पद्मासने सुखासीनां गजलक्ष्मीमहं भजे ॥

श्री धन लक्ष्मीः –

किरीटमुकुटोपेतां स्वर्णवर्ण समन्विताम् ।

सर्वाभरणसम्युक्तां सुखासन समन्विताम् ॥

परिपूर्णं च कुम्भं च दक्षिणेन करेण तु ।

चक्रं बाणं च ताम्बूलं तदा वामकरेण तु ॥

शङ्खं पद्मं च चापं च कुण्डिकामपि धारिणीम् ।

सकञ्चुकस्तनीं ध्यायेद्धनलक्ष्मीं मनोहराम् ॥

श्री धान्य लक्ष्मीः –

वरदाऽभयसम्युक्तां किरीटमकुटोज्ज्वलाम् ।

अम्बुजं चेक्षुशालिं च कदम्बफलद्रोणिकाम् ॥

पङ्कजं चाष्टहस्तेषु दधानां शुक्लरूपिणीम् ।

कृपामूर्तिं जटाजूटां सुखासन समन्विताम् ॥

सर्वालङ्कारसम्युक्तां सर्वाभरणभूषिताम् ।

मदमत्तां मनोहारिरूपां धान्यश्रियं भजे ॥

श्री विजय लक्ष्मीः –

अष्टबाहुयुतां देवीं सिंहासनवरस्थिताम् ।

सुखासनां सुकेशीं च किरीटमकुटोज्ज्वलाम् ॥

श्यामाङ्गीं कोमलाकारां सर्वाभरणभूषिताम् ।

खड्गं पाशं तदा चक्रमभयं सव्यहस्तके ॥

खेटकं चाङ्कुशं शङ्खं वरदं वामहस्तके ।

राजरूपधरां शक्तिं प्रभासौन्दर्यशोभिताम् ॥

हंसारूढां स्मरेद्देवीं विजयां विजयप्रदे ॥

श्री धैर्य लक्ष्मीः –

अष्टबाहुयुतां लक्ष्मीं सिंहासनवरस्थिताम् ।

तप्तकाञ्चनसङ्काशां किरीटमकुटोज्ज्वलाम् ॥

स्वर्णकञ्चुकसम्युक्तां सन्नवीततरां शुभाम् ।

अभयं वरदं चैव भुजयोः सव्यवामयोः ॥

चक्रं शूलं च बाणं च शङ्खं चापं कपालकम् ।

दधतीं धैर्यलक्ष्मीं च नवतालात्मिकां भजे ॥

श्री ऐश्वर्य लक्ष्मीः –

चतुर्भुजां द्विनेत्रां च वराभयकरान्विताम् ।

अब्जद्वयकराम्भोजां अम्बुजासनसंस्थिताम् ॥

ससुवर्णघटोराभ्यां प्लाव्यमानां महाश्रियम् ।

सर्वाभरणशोभाढ्यां शुभ्रवस्त्रोत्तरीयकाम् ॥

चामरग्रहनारीभिः सेवितां पार्श्वयोर्द्वयोः ।

आपादलम्बिवसनां करण्डमकुटां भजे ॥

"देवनागरि" ,