Ashtakam

Sri Narasimha Ashtakam

Sri Narasimha Ashtakam

About

Sri Narasimha Ashtakam is introduced as an ashtakam, a devotional hymn form associated with a focused sequence of verses. The guide offers context without prescribing a single way to recite or interpret it.

Hymn text

श्रीमदकलङ्क परिपूर्ण शशिकोटि-

-श्रीधर मनोहर सटापटल कान्त ।

पालय कृपालय भवाम्बुधिनिमग्नं

दैत्यवरकाल नरसिंह नरसिंह ॥ १ ॥

पादकमलावनत पातकिजनानां

पातकदवानल पतत्रिवरकेतो ।

भावन परायण भवार्तिहरया मां

पाहि कृपयैव नरसिंह नरसिंह ॥ २ ॥

तुङ्गनखपङ्क्तिदलितासुरवरासृक्

पङ्कनवकुङ्कुमविपङ्किलमहोरः ।

पण्डितनिधान कमलालय नमस्ते

पङ्कजनिषण्ण नरसिंह नरसिंह ॥ ३ ॥

मौलिषु विभूषणमिवामर वराणां

योगिहृदयेषु च शिरः सुनिगमानाम् ।

राजदरविन्दरुचिरं पदयुगं ते

देहि मम मूर्ध्नि नरसिंह नरसिंह ॥ ४ ॥

वारिजविलोचन मदन्तिमदशायां

क्लेशविवशीकृत समस्तकरणायाम् ।

एहि रमया सह शरण्य विहगानां-

-नाथमधिरुह्य नरसिंह नरसिंह ॥ ५ ॥

धाररशनामकरकुण्डलमणीन्द्रैः ।

भूषितमशेषनिलयं तव वपुर्मे

चेतसि चकास्तु नरसिंह नरसिंह ॥ ६ ॥

इन्दु रवि पावक विलोचन रमायाः

मन्दिर महाभुजलसद्वररथाङ्ग ।

सुन्दर चिराय रमतां त्वयि मनो मे

नन्दित सुरेश नरसिंह नरसिंह ॥ ७ ॥

माधव मुकुन्द मधुसूदन मुरारे

वामन नृसिंह शरणं भव नतानाम् ।

कामद घृणिन् निखिलकारण नयेयं

कालममरेश नरसिंह नरसिंह ॥ ८ ॥

अष्टकमिदं सकलपातकभयघ्नं

कामदमशेषदुरितामयरिपुघ्नम् ।

यः पठति सन्ततमशेषनिलयं ते

गच्छति पदं स नरसिंह नरसिंह ॥ ९ ॥

इति श्री नृसिंहाष्टकम् ।