Ashtakam

Sri Krishna Sharanashtakam 2

Sri Krishna Sharanashtakam 2

About

Sri Krishna Sharanashtakam 2 is introduced as an ashtakam, a devotional hymn form associated with a focused sequence of verses. The guide offers context without prescribing a single way to recite or interpret it.

Hymn text

स्वामिनीचिन्तया चित्तखेदखिन्न मुखाम्बुजः ।

निमीलन्नेत्रयुगलः श्रीकृष्णश्शरणं मम ॥ १ ॥

मनोजभावभरितो भावयन्मनसा रतिम् ।

मीलनव्याकुलमनाः श्रीकृष्णश्शरणं मम ॥ २ ॥

निश्श्वासशुष्यद्वदनो मधुराधरपल्लवः ।

मुरलीनादनिरतः श्रीकृष्णश्शरणं मम ॥ ३ ॥

निकुञ्जमन्दिरान्तस्थ-स्सुमपल्लवतल्पकृत् ।

प्रतीक्षमाणस्स्वप्राप्तिं श्रीकृष्णश्शरणं मम ॥ ४ ॥

वियोगभावविहस-द्वदनाम्बुजसुन्दरः ।

आकर्णयन्नलिरुतं श्रीकृष्णश्शरणं मम ॥ ५ ॥

मुञ्चन्नश्रूणि विलुठन् गायन्मत्त इव क्वचित् ।

नृत्यन् रसासक्तमनाः श्रीकृष्णश्शरणं मम ॥ ६ ॥

शयान एकतस्तल्पे स्वप्नसम्बन्धसिद्धये ।

प्रबोधपश्चात्तप्तो यः श्रीकृष्णश्शरणं मम ॥ ७ ॥

रसात्मरसरीतिज्ञो रसलीलापरायणः ।

रसात्मगोपीरसिकः श्रीकृष्णश्शरणं मम ॥ ८ ॥

इति श्रीहतिरायाचार्यविरचितं श्रीकृष्णशरणाष्टकम् ।

"देवनागरि" ,