Ashtakam

Sri Ashtabhuja Ashtakam

About

Sri Ashtabhuja Ashtakam is introduced as an ashtakam, a devotional hymn form associated with a focused sequence of verses. The guide offers context without prescribing a single way to recite or interpret it.

Hymn text

श्रीमान् वेङ्कटनाथार्यः कवितार्किककेसरी ।

वेदान्ताचार्यवर्यो मे सन्निधत्तां सदा हृदि ॥

गजेन्द्ररक्षात्वरितं भवन्तं

ग्राहैरिवाहं विषयैर्विकृष्टः ।

अपारविज्ञानदयानुभाव-

-माप्तं सतामष्टभुजं प्रपद्ये ॥ १ ॥

त्वदेकशेषोऽहमनात्मतन्त्र-

-स्त्वत्पादलिप्सां दिशता त्वयैव ।

सत्तामिदानीमुपलम्भितोऽस्मि ॥ २ ॥

स्वरूपरूपास्त्रविभूषणाद्यैः

परत्वचिन्तां त्वयि दुर्निवाराम् ।

भोगे मृदूपक्रमतामभीप्सन्

शीलादिभिर्वारयसीव पुंसाम् ॥ ३ ॥

शक्तिं शरण्यान्तरशब्दभाजां

सारं च सन्तोल्य फलान्तराणाम् ।

त्वद्दास्यहेतोस्त्वयि निर्विशङ्कं

न्यस्तात्मनां नाथ बिभर्षि भारम् ॥ ४ ॥

नाथ त्वदन्यं न विभावयामि ।

भयं कुतः स्यात् त्वयि सानुकम्पे

रक्षा कुतः स्यात् त्वयि जातरोषे ॥ ५ ॥

त्वदेकतन्त्रं कमलासहाय

स्वेनैव मां रक्षितुमर्हसि त्वम् ।

त्वयि प्रवृत्ते मम किं प्रयासै-

-स्त्वय्यप्रवृत्ते मम किं प्रयासैः ॥ ६ ॥

समाधिभङ्गेष्वपि सम्पतत्सु

शरण्यभूते त्वयि बद्धकक्ष्ये ।

अपत्रपे सोढुमकिञ्चनोऽहं

दूराधिरोहं पतनं च नाथ ॥ ७ ॥

प्राप्ताभिलाषं त्वदनुग्रहान्मां

पद्मानिषेव्ये तव पादपद्मे ।

आदेहपातादपराधदूर-

-मात्मान्तकैङ्कर्यरसं विधेयाः ॥ ८ ॥

प्रपन्न जनपाथेयं प्रपित्सूनां रसायनम् ।

श्रेयसे जगतामेतच्छ्रीमदष्टभुजाष्टकम् ॥ ९ ॥

शरणागतसन्त्राणत्वराद्विगुणबाहुना ।

हरिणा वेङ्कटेशीया स्तुतिः स्वीक्रियतामियम् ॥ १० ॥

कवितार्किकसिंहाय कल्याणगुणशालिने ।

श्रीमते वेङ्कटेशाय वेदान्तगुरवे नमः ॥

इति श्री वेदान्तदेशिक कृतं श्री अष्टभुजाष्टकम् ।