Ashtakam

Sri Krishna Bhujanga Prayata Ashtakam

Sri Krishna Bhujanga Prayata Ashtakam

About

Sri Krishna Bhujanga Prayata Ashtakam is introduced as an ashtakam, a devotional hymn form associated with a focused sequence of verses. The guide offers context without prescribing a single way to recite or interpret it.

Hymn text

सदा गोपिकामण्डले राजमानं

लसन्नृत्यबन्धादिलीलानिदानम् ।

गलद्दर्पकन्दर्पशोभाभिदानं

भजे नन्दसूनुं सदानन्दरूपम् ॥ १ ॥

व्रजस्त्रीजनानन्दसन्दोहसक्तं

सुधावर्षिवंशीनिनादानुरक्तम् ।

त्रिभङ्गाकृति स्वीकृतस्वीयभक्तं

भजे नन्दसूनुं सदानन्दरूपम् ॥ २ ॥

स्फुरद्रासलीलाविलासातिरम्यं

परित्यक्तगेहादिदासैकगम्यम् ।

विमानस्थिताशेषदेवादिनम्यं

भजे नन्दसूनुं सदानन्दरूपम् ॥ ३ ॥

स्वलीलारसानन्ददुग्धोदमग्नं

प्रियस्वामिनीबाहुकण्ठैकलग्नम् ।

रसात्मैकरूपाऽवबोधं त्रिभङ्गं

भजे नन्दसूनुं सदानन्दरूपम् ॥ ४ ॥

रसामोदसम्पादकं मन्दहासं

कृताभीरनारीविहारैकरासम् ।

प्रकाशीकृतस्वीयनानाविलासं

भजे नन्दसूनुं सदानन्दरूपम् ॥ ५ ॥

जिताऽनङ्गसर्वाङ्गशोभाभिरामं

क्षपापूरितस्वामिनीवृन्दकामम् ।

भजे नन्दसूनुं सदानन्दरूपम् ॥ ६ ॥

स्वसङ्गीकृतानन्तगोपालबालं

वृतस्वीयगोपीमनोवृत्तिपालम् ।

कृतानन्तचौर्यादिलीलारसालं

भजे नन्दसूनुं सदानन्दरूपम् ॥ ७ ॥

धृताद्रीशगोवर्धनाधारहस्तं

परित्रातगोगोपगोपीसमस्तम् ।

सुराधीशसर्वादिदेवप्रशस्तं

भजे नन्दसूनुं सदानन्दरूपम् ॥ ८ ॥

इति श्रीहरिरायाचार्य विरचितं श्री कृष्ण भुजङ्गप्रयाताष्टकम् ।

"देवनागरि" ,